AKER STADION (Panorama): Søndag kveld var det duka for derby mot Rosenborg BK. Kampen, som starta med eit RBK-overtak, endte med festfotball frå romsdalingane som ikkje ga seg før på 4-1.

Av SARAVIN SADASARALINGAM

Med 2-0 til pause hadde Molde eit overtak, men det var litt spenning når Rosenborg reduserte til 2-1. Dette gjorde ingenting med moldegutane, som putta to fine mål mot slutten av kampen.

Kampen starta med eit Rosenborg-lag som hadde ball mykje og utfordra utan å skape all verdens ting. Etter kvart kom Molde meir inn i kampen, og til slutt var det Molde som tok over. Først satt Ohi Omoijuanfo ballen i mål etter ein retur frå André Hansen, før Magnus Wolff Eikrem satte inn 2-0 frå utanfor 16-meteren.

– Det var godt å endeleg komme på skoringslista etter eit par kampar utan, seier Omoijuanfo, som no har 25 mål i Eliteserien.

Andre omgang starta på same måte som første, nemleg med eit kjør frå Rosenborg. Ti minuttar uti andre omgang satte Dino Islamovic inn reduseringa til 2-1, og tente med det eit håp.

Det blei med eit håp, sidan Sheriff Sinyan satte ballen i mål fem minuttar seinare, nok ein gong ein retur ifrå Rosenborg som gikk i mål. Like før slutt satt innbyttar Emil Varhaugvik Breivik inn 4-1 skoring og sørga for festfotball på søndagskvelden.

– Vi er veldig fornøgde med 4-1 mot Rosenborg. Spesielt siste 25 minuttane skillar seg ut, kor vi kjørar dem totalt, seier Moe, som ser fram mot dei siste tre kampane av serien.

På motsatt benk var ikkje Rosenborg-trenar Åge Hareide like nøgd.

– Vi henger godt med i første omgang, men vi blir rett og slett kontra i hjel av Molde som vinner denne kampen med det, seier Hareide om kveldens prestasjonar.

Ein anna ting som var i fokus i pressesona etter kampen, var Ole Gunnar Solskjærs sparking frå Manchester United. Erling Moe hadde følgande å seie om det:

– Eg synes det er eit spesielt tidspunkt å sparke han på, men sånn er fotballen, seier Moe, som meina det alltid er plass til Solskjær i Molde FK.

Rosenborg-trenar Åge Hareide hadde følgande å seie:

– Sånn er fotballen, trenarar kommer og går, men så får vi sjå kva klubb som er neste stoppestad, eg trur han kommer tilbake til Molde, seier Hareide, som humoristisk seier han ikkje er aktuell for noko jobb i Molde FK.

Om Solskjær kommer til Molde FK er berre vente å sjå, men ein ting er sikkert, Molde hengar fortsatt med i gullkampen, som ikkje er avgjort tre rundar før slutt. Vi får vente å sjå om seriegullet skal til Bodø eller Molde.